KULTURA BISUALA

KULTURA BISUALA:ARGAZKIEN INGURUKO GOGOETA
Klasean, hezkuntza eta haurtzaroarekin lotuta dauden bi argazki aukeratu ditugu. Argazki hauek, guretzat haurtzaroak eta hezkuntzak suposatu duena esan nahi dute. Ondoren, argazki hauei kontrajartzen zaizkien argazki bana aukeratu ditugu.

Niretzat:

• Hezkuntza:

Niretzat, nik jaso dudan hezkuntza argazki honetan laburtuta azaltzen da. Nik eta ikasle gehiengoak hezkuntza mota tekniko hau jaso dugu, irakasearen aurrean eseri eta honek adierazten diguna memorizatuz. Hezkuntza mota hau jasota ez dela ikasten argi dago, memorizazio mekanikoak ez baitigu inora ere eramaten eta horregatik hezkuntzaren inguruan dudan ikuspuntua ez da positiboa. Irakasleak bere autoritatea gogor azaltzen zuen bere ezagutzei garrantzia emanez eta gure buruak bere pentsaeraz ornituz, horregatik, hezkuntzan, txontxongilo papera izan dugu.

• Haurtzaroa: 

Haurtzaroaz, esan dezaket oroitzapen honak ditudala eta horregatik argazki alai honekin adierazten dut nire haurtzaroa. Argazki honekin esan nahi dudana da, pertsona ezberdinekin komunikatuz,jolastuz,ikasiz... igaro dudala nire haurtzaroa eta ondo pasatu ohi nuela. Herri txiki bateko biztanlea izanik, askatasun handia izan dugu txikitatik eta beti kalean ibiltzen ginen jolasten edo frontoira joaten ginen kirol ezberdinak praktikatzera. Argazki honek poztasuna adierazten du, nik izan dudan haurtzaroa islatzen du eta horregatik egokia iruditu zait.

Nire bizipenei kontrajartzen zaizkien irudiak:

• Hezkuntza:

Argazki hau nire hezkuntza ereduari kontrajartzen zaio. Eskuinean kokaturiko irudiak, Montessori metodologia duen ikastetxe bateko ikasgela adierazten du. Montessori metodoan, ikasle bakoitzak askatasun osoa du nahi duena ikasteko eta nahi duenenan ikasteko. Bakoitzak erabakitzen du zer ikasgai landuko duen eta ikasle bakoitzak aztertzen du eduki bakoitza. Metodo honekin irakasleen papera ez da irakastearena baizik eta zuzentzearena. Irakasleak, zuzentzaileak dira eta klaseak zuzentzen dituzte eta haurrek dituzten zalantzak argitzen lagundu. Hau adierazita, esan liteke dena ez dela nik jaso dudan hezkuntzaren modukoa badaudela gure gizartean ezberdinak diren hezkuntza ereduak.

Haurtzaroa:

Argazki hau, nik jaso dudan haurtzaroarekin guztiz kontrajartzen da. Dakigun bezala, bullyng-a gure gizartean oso errotuta dagoen gaia da eta mundu osoan zehar 5 ikasletik 1ek jasotzen duen arazoa da. Nire ustez arazo honen aurrean konponbideak behar dira eta denon artean bullyng kasuak egotea  gutxitu behar dugu. Irakasleek honen aurrean botere handia izan dezakete eta honi irtenbidea ateratzeko ideiak bultzatu behar dituzte.